( अमळनेर शहर प्रतिनिधी द्वारा खास बातमी )
[ लोकतक समाचार न्युज नेटवर्क ]
जळगाव / अमळनेर ( लोकतक न्युज प्रतिनिधी ) दि:०७ ऑगस्ट बुधवार:- जळगाव जिल्ह्यातील अमळनेर तालुक्यातील सात्रीचे माजी सरपंच तथा राष्ट्रवादीचे माजी तालुकाध्यक्ष महेंद्र बोरसे यांच्यावर सहा जणांनी केेलेल्या जीवघेणा हल्लातील फरार एका आरोपीला पोलिसांनी तब्बल दोन वर्षांनी अटक केली आहे. तर मुख्य संशयित आरोपी सुरेश अर्जुन पाटील जामिनावर असून अन्य जण अजूनही फरार आहेत. पोलिस त्यांच्याही मुसक्या लवकरच आवळणार आहे. तर याप्रकरणात तत्कालीन डिवायएसपी राकेश जाधव,आणि पोलिस निरीक्षक विजय शिंदेंची नामुष्की तर आताच्या पोलिसांनी केलेल्या कामगिरीचे स्वागत केले जात आहे. याबाबत अधिक माहिती अशी की, २ जुलै २०२२ रोजी रात्री साडे दहा वाजेच्या सुमारास चोपडा रस्त्यावरील बाबाजी का ढाब्यावर सात्री येथील महेंद्र बोरसे हे आपल्या मित्रांसोबत जेवण करीत असताना अचानक सुंदरपट्टी येथील माजी सरपंच सुरेश अर्जुन पाटील, त्यांचा मुलगा उमाकांत उर्फ( गोपाल ) पाटील , रितेश बोरसे, जिजाबराव पाटील, न्हानू पाटील, मल्हारी पाटील त्याठिकाणी आले व सुरेश पाटील याने त्याच्या सोबत असलेल्या लोकांना सांगितले की हा महेंद्र बोरसे याठिकाणी असून मला कायम सर्व ठिकाणी नडतो याला जिवंत सोडू नका ,कायमचा बंदोबस्त करा. त्याच बरोबर उमाकांत (गोपाल )याने हातातील फायटरने उजव्या डोळ्यावर वार केला. तर टिनू बोरसे याने हातातील लोखंडी पाईपने डोक्यावर वार करण्याचा प्रयत्न केला तो महेंद्र याने हातावर झेलला. तर जिजाबराव पाटील यानेही लोखंडी पाईपने खांद्यावर मारहाण केली होती . महेंद्र खाली पडताच न्हानू पाटील व मल्हारी पाटील यांनी काठ्यांनी पाठीवर व बरगड्यांवर मारहाण केली. उमाकांत याने हातातील १० ग्राम ची अंगठी बळजबरीने काढून घेतली. महेंद्र च्या सोबतच्या मित्रांनी त्याला बाहेर काढण्याचा प्रयत्न केला असता सुरेश याने काचेची बाटली टेबलावर फोडून त्याच्या पोटात घालण्याचा प्रयत्न केला. तो महेंद्रने चुकवूंन बाहेर आला तेव्हा उमाकांत याने चारचाकी क्रमांक एम एच १९, सी यु १२३४ ची लोखंडी रोड ने तोडफोड केली. मित्रांनी महेंद्र बोरसे याना डॉ अनिल शिंदे यांच्या दवाखाण्यात उपचारसाठी दाखल केले होते.
*दोन वर्षापासून आरोपी होते मोकाट*
ही घटना घडली तेव्हा पोलिस निरीक्षक विजय शिंदे होते. आरोपींवर ३९५, ३०७ असे गंभीर गुन्हे दाखल होते. तरी पोलिसांना ते दिसत नव्हते आरोपीचे हरवलेले सोन्याचे ब्रेसलेट शिंदेनी सुरेश अर्जुन पाटलांना हातात देऊन फोटो सेशन करून दिले होते त्यावेळी आरोपीला अटक नकरता त्यांना चहा पान करून रवाना केले होते. तर डीवायएसपी राकेश जाधव यांनी त्याना सीसीटिव्ही कॅमेऱ्याचे उद्घाटन करण्यासाठी बोलावले होते म्हणजे पोलिस निरीक्षक आणि डीवायएसपी यांचे हात ओले असल्यानेच आरोपींना अटक झाली नाही. आरोपी मोकाट फिरत असतानाही पोलिस त्यांना हात लावू शकले नाही. तर आता दोन वर्षांनी पोलिसांनी पुढाकर घेत यातील सुरेश अर्जुन पाटील याचा मुलगा उमाकांत (गोपाल )पाटील याला ताब्यात घेतले आहे. त्याला ताब्यात घेताना त्याने पोलिसांशी हुज्जत घातली. त्यामुळे यातून त्यांच्यातील गुंडप्रवृत्ती अधोरेखित होते. तर एक आरोपी मल्हारी पाटील हा १४ दिवसाची न्यायालयीन कोठडित आहे. तर उमाकांत उर्फ गोपाल याला न्या. निलेश यलमाने याच्यासमोर उभे केले असता ८ तारखेपर्यंत पोलिस कोठडी सुनावली आहे.
*दुसऱ्यांदा टाकलेला अटकपूर्व जामीन मंजूर*
यातील मुख्य आरोपी सुरेश अर्जुन पाटील याने या गुन्ह्यात अटक होऊ नये म्हणून न्यायालयात अटकपूर्व जामीन टाकला होता. परंतु तांत्रिक कारणाने तो विड्रॉल (माघार ) झाला. त्यानंतर पुन्हा तो अर्ज टाकल्यानंतर त्याला अटकपूर्व जामीन मंजूर झाला आहे. तर अन्य आरोपी फरार आहेत.
