( સુરત શહેર માનદ પ્રતિનિધી દ્વારા ખાસ બાતમી)
[ લોકતક સમાચાર ન્યૂઝ નેટવર્ક ]
⭕ સુરત/ઉધના (લોકતક ન્યૂઝ વેબ પોર્ટલ પ્રતિનિધી ) તારીખ:- ૦૭ એપ્રિલ સોમવાર :- સુરત શહેર મા તારીખ 6 એપ્રિલ એટલે કે વિશ્વની સૌથી મોટી રાજકીય પાર્ટી ભારતીય જનતા પાર્ટીનો 46 મો સ્થાપના દિવસ. આ ખાસ દિવસે સવારે 9:00 કલાકે પ્રદેશ અધ્યક્ષ તથા કેન્દ્રીય જળ શક્તિ મંત્રી શ્રી સી આર પાટીલ સાહેબે પાર્ટીના પદાધિકારીશ્રીઓ તથા કોર્પોરેટરો તથા કાર્યકર્તાઓની ઉપસ્થિતિમાં તેમના ઘરે પાર્ટીનો ધ્વજ ફહેરાવી કાર્યકર્તાઓને શુભેચ્છાઓ પાઠવી હતી.
આ પ્રસંગે મીડિયા સમક્ષ બોલતા તેઓએ જણાવ્યું હતું કે ભારતીય જનતા પાર્ટીના કાર્યકર્તાઓ માટે આનંદ ઉલ્લાસ અને ગર્વ લેવાનો દિવસ છે પાર્ટીનો કાર્યકર્તા એ સૌપ્રથમ દેશને મહત્વ આપે છે ત્યારબાદ પાર્ટીને અને છેલ્લે પોતાને મહત્વ આપે છે પાર્ટીનો કાર્યકર્તા જ્યારે પાર્ટીનો ધ્વજ પોતાના ખભે લઈને ચાલે છે ત્યારે તેના શરીરમાં જે ઉત્સાહનું વાતાવરણ સર્જાય છે તે આપ સૌએ જોયું હશે તેની સાથે લોકો સાથેનું તેમનું કમિટમેન્ટ પણ દેખાય છે. સત્તામાં આવ્યા બાદ લોકોની સેવા કેમ કરવી તેનું ઉત્તમ ઉદાહરણ પૂરું પાડવામાં આવ્યું છે.
પાર્ટી દ્વારા બનેલી આદરણીય પ્રધાનમંત્રી શ્રી નરેન્દ્ર ભાઈ મોદીજી ની સરકાર અને તેમને લીધેલા પગલાં જેના કારણે લોકોમાં સંતોષની અને વિશ્વાસની ભાવના પાર્ટી માટે ઊભી થઈ છે તે અમારા માટે ગર્વની વાત છે ગુજરાતના સમગ્ર બુથોમાં બુથ દીઠ 25 ઝંડા લગાવવામાં આવ્યા છે પાર્ટીનો આ ધ્વજ એ અમારા માટે એટલો જ મહત્વનો છે તેની આન બાન અને શાન કે જે આપણે તિરંગા માટે રાખીએ છીએ તેવી જ રીતે આ ધ્વજ નું મહત્વ પણ આપણે જાળવશું. આદરણીય પ્રધાનમંત્રી શ્રી નરેન્દ્ર ભાઈ મોદીજીએ વિશ્વાસનું જે વાતાવરણ સર્જી લોકોમાં અપેક્ષાઓ જગાડીને એમને પૂર્ણ કરવા તરફ જે આગળ વધ્યા છે અને પરિણામ આપ્યા છે ત્યારે ભારતીય જનતા પાર્ટીનો એક એક કાર્યકર્તા તેમની સાથે છે દેશ પ્રતિ, દેશના નાગરિકો પ્રતિ કમિટમેન્ટ સાથે આગળ વધ્યા છે સુરત શહેર અધ્યક્ષ શ્રી પરેશભાઈ પટેલે પણ કાર્યકર્તાઓની અને પદાધિકારીઓની હાજરીમાં તેમના ઘરે પાર્ટીનો ધ્વજ ફહેરાવી સહુને શુભકામનાઓ પાઠવી હતી..આ પ્રસંગે તેમની સાથે શહેર અધ્યક્ષ શ્રી પરેશભાઈ પટેલ મહામંત્રી શ્રી ઓ શ્રી કિશોરભાઈ બિંદલ શ્રી કાળુભાઈ ભીમનાથ પાર્ટીના પદાધિકારીશ્રીઓ તથા કોર્પોરેટર શ્રીઓ અને કાર્યકર્તાઓ ઉપસ્થિત રહ્યા હતા
શૈલેશ શુક્લ (મીડિયા કન્વીનર સુરત મહાનગર)
