(वाशिम जिल्हा मानद प्रतिनिधी:-अजय गायकवाड)
[ लोकतक समाचार न्युज नेटवर्क ]
⭕ वाशिम / मालेगाव ( लोकतक न्युज वेबपोटॅल प्रतिनिधी ) दिनांक:०८ एप्रिल मंगळवार :- वाशिम जिल्ह्यातील मालेगाव येथील घरात अचानक उडालेल्या आगीच्या भडक्यात सापडल्याने एका महिला आणि तिचा सात वर्षीय नातू गंभीर जखमी झाला, ही घटना सोमवार ७ एप्रिल रोजी रात्री ८:०० वाजताच्या दरम्यान राजुरा येथे घडली..मालेगाव तालुक्यातील राजुरा येथील सुनिता मधुकर बोंढारे ही महिला आपला सात वर्षीय नातू चरण सचीन बोंढारे याच्यासह सोमवारी रात्री घरात असताना घरात अचानक आगीचा भडका उडाला काय घडले, हे कळण्याच्या आतच आजी व नातू आगीच्या विळख्यात सापडल्याने दोघेही गंभीर जखमी झाले घरात आरडा ओरड सुरू झाल्याने शेजाराच्यांनी घटनास्थळी धाव घेत दोघांच्याही अंगावर पाणी टाकून विझवले व तात्काळ खासगी वाहनाने उपचारासाठी वाशिम येथे रवाना केले. दोघांनाही उपचारासाठी वाशिम येथील एका खासगी रुग्णालयात दाखल केले असून, सात वर्षीय चिमुकला चरण बोंढारेची प्रकृती गंभीर असल्याचे समजते. दरम्यान, आगीच्या विळख्यात घरातील सोयाबीन, तुर व संसार उपयोगी साहित्य जळून खाक झाले आहे. घटनेची माहिती मिळताच पोलीस निरीक्षक संजय चौधरी यांनी अग्निशमन दलाच्या गाडी सह बिट जमादार राठोड यांच्यासह चमू घटनास्थळी पाठवली...
=========================================
