(कोल्हापूर जिल्हा मानद प्रतिनिधी द्वारा खास बातमी)
[ लोकतक समाचार न्युज नेटवर्क ]
⭕ कोल्हापूर / मंगळवेढा( लोकतक न्युज वेबपोटॅल प्रतिनिधी ) दिनांक:30 ऑगस्ट शनिवार :- कोल्हापूर जिल्ह्यातील मंगळवेढा येथील झेंडा चौक गणेशोत्सव मंडळाच्या वतीने आयोजित गणेशोत्सवात यंदा सामाजिक सलोखा आणि धार्मिक ऐक्याचे सुंदर दर्शन घडले. मंगळवेढ्यातील मुस्लिम समाज बांधवांनी गणपती बाप्पाची आरती करून “एकता हीच खरी ताकद” असा संदेश दिला.हिंदू-मुस्लिम ऐक्याचे अनोखे उदाहरण ठरलेला हा उपक्रम पाहण्यासाठी नागरिक मोठ्या संख्येने उपस्थित होते. आरतीवेळी संपूर्ण मंडपात बाप्पा मोरया, एकतेचा जयजयकार असे घोष ऐकायला मिळाले.झेंडा चौक गणेशोत्सव मंडळाचे पदाधिकारी म्हणाले की, "समाजामध्ये धार्मिक एकोपा टिकून राहावा, परस्परांमध्ये प्रेम आणि बंधुभाव वाढावा यासाठी हा प्रयत्न आहे."मुस्लिम बांधवांनी आरतीमध्ये सहभागी होत गणेशभक्तांचे मन जिंकले. हा उपक्रम संपूर्ण मंगळवेढ्यासाठी ऐतिहासिक ठरला असून, सर्वत्र कौतुक होत आहे.झेंडा चौक गणेश उत्सव मंडळाच्या वतीने गुरुवार संध्याकाळी गणपती बाप्पाची आरती स्थानिक मुस्लिम रहिवाशांच्या हस्ते करण्यात आली. मुजावर गल्ली सराफ गल्ली माने गल्ली जगदाळे गल्ली गैबीपीर मंदिरजवळील झेंडा चौक गणेश उत्सव मंडळाची श्री गणेशाची आरती करुन मुस्लिम समाजानं यावेळी एकतेचा संदेश दिला. यावेळी बबलू इनामदार, राहील इनामदार, आजर मुजावर, शाहिद मुजावर, वासिफ इनामदार, अझर इनामदार, सद्दाम चाबुकसर, झेंडा चौक गणेशोत्सव मंडळाचे अध्यक्ष अरविंद नाईकवाडी , उपाध्यक्ष सुमित पाटील, खजिनदार भैया घोडके, लखन चौगुले, रवी नाईकवाडी, आदी हिंदू मुस्लिम बांधव मोठ्या संख्येने उपस्थित होते...
==========================================
